Back

ⓘ Հայաստանի Հանրապետութեան նախագահի նստավայրը կը հանդիսանայ Հայաստանի Հանրապետութեան նախագահի աշխատանքային վայրը, որ կը գտնուի Երեւանի` Մարշալ Բաղրամեան Պողոտային ..



Հայաստանի Հանրապետութեան Նախագահի Նստավայր
                                     

ⓘ Հայաստանի Հանրապետութեան Նախագահի Նստավայր

Հայաստանի Հանրապետութեան նախագահի նստավայրը կը հանդիսանայ Հայաստանի Հանրապետութեան նախագահի աշխատանքային վայրը, որ կը գտնուի Երեւանի` Մարշալ Բաղրամեան Պողոտային վրայ 26 հասցէով։ 2018 թուականի Սեպտեմբեր 21-էն վարչապետ Նիկոլ Փաշինեանին հրամանով Բաղրամեան 26-ի դարպասները բացուած են այցելուներու համար։

                                     

1. Պատմութիւն

Նստավայրի շէնքը նախագծուած է 1951 թուականին որպէս Հայաստանի ԽՍՀ նախարարական խորհուրդի տուն, հետագային ծառայած է որպէս Հայաստանի ԽՍՀ գերագոյն խորհուրդի նախագահութեան շէնք։ Նախագիծի հեղինակը Մարք Գրիգորեանն է։ Շէնքը եղած է երկյարկանի, ենթարկուած է վերակառուցման, եւ մակերեսը 2720 քմ է։ Առաջին յարկի 338 քմ մակերեսով 10մ բարձրութեամբ տարածքը նախատեսուած է ընդունելութիւններու համար՝ առանձին սրահներով։

1987 թուականին շէնքը վերակառուցուած է "Հայարդնախագիծ" ինստիտուտի նախագիծին հիման վրայ։ Շէնքի երկու կողմերը աւելցուած է 10մ լայնութեամբ եւ 6մ երկարութեամբ երկու եռայարկ շէնք։ Վերակառուցման արդիւնքով շէնքի ընդհանուր մակերեսը 4470 քմ է։

1992 թուականէն սկսեալ կը ծառայէ որպէս Հայաստանի Հանրապետութեան նախագահի նստավայր։

2009-2010 թուականներուն Հայաստանի Հանրապետութեան վաստակաւոր ճարտարապետ Նարէկ Սարգսեանի նախագիծով շէնքի առանցքով ետեւի կողմը կառուցուած է քառայարկ շինութիւն, որպէս վարչական մասնաշէնք 3150.0 քմ ընդհանուր մակերեսով։

                                     

2. Կառուցուածք

Առաջին յարկը եւ երրորդ յարկի մէկ բաժինը նախատեսուած են ընդունելութիւններու համար՝ առանձին սրահներով։ Շէնքի մնացած հատուածը կը ծառայէ որպէս վարչական մաս։ Շէնքի արտաքին պատերը կառուցուած են դեղնաւուն տուֆով։

                                     

3. Գեղանկարներու հաւաքածոյ

ՀՀ նախագահի նստավայրի տարբեր սրահներուն մէջ կը պահուին Յովհաննէս Այվազովսկիի, Փանոս Թերլեմեզեանի, Մարտիրոս Սարեանի, Գէորգ Բաշինջաղեանի, Յակոբ Յակոբեանի եւ շարք մը այլ նշանաւոր նկարիչներու գեղանկարները, որոնք տրուած են նախագահի աշխատակազմին Հայաստանի ազգային պատկերասրահի կողմէ։

                                     

4. Հետաքրքրական

  • Բաղրամեան 26 վարչական շէնքը Հայաստանի Հանրապետութեան կառավարութեան որոշմամբ 2004 թուականին ընդգրկուած է Երեւան քաղաքի պատմութեան եւ մշակոյթի անշարժ յուշարձաններու պետական ցուցակին մէջ որպէս հանրապետական նշանակութեան յուշարձան։
  • 1960 թուականին Մարք Գրիգորեանը, որպէս շէնքին նախագիծի հեղինակ, պարգեւատրուած է Հայկական ԽՍՀ գերագոյն խորհրդի պատուոյ գիր։
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →